مؤسسة شبرا ملكان الإعدادية المشتركة
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي مدرسة شبرا ملكان الإعدادية المشتركة
سنتشرف بتسجيلك معنا
شكرا
مدير المنتدى أ/ أسامه عبد المعبود جاد

مؤسسة شبرا ملكان الإعدادية المشتركة

شبرا ملكان الإعدادية المشتركة -إدارة غرب المحلة الكبرى التعليمية-محافظة الغربية 
الرئيسيةالبوابةاليوميةمكتبة الصورس .و .جبحـثالتسجيلدخول
الله أكبر ، الله أكبر ، الله أكبر ، لا إله إلا الله ،الله أكبر ، الله أكبر ، ولله الحمد .. عيد أضحي مبارك 2016

شاطر | 
 

 يا ريت كل الناس يكونو زى ده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تقي تقي 63

avatar

عدد المساهمات : 20
تاريخ التسجيل : 16/04/2010
العمر : 20

مُساهمةموضوع: يا ريت كل الناس يكونو زى ده   الأربعاء مايو 26, 2010 11:10 pm

I love you
انسان بسيط
متواضع جدا
طيب جدا
بيحب الناس جدا
بيحب بلده جدا
بيحب شغله جدا جدا
ولكن فى حب كمان زايد عنده جدا جدا جدا
لما اقولكم اسمه هاتعرفوا
افندينا المنعنع
ده سواق تاكسى عاشق للنعناع الناس اطلقوا عليه المنعنع وهو مسمى نفسه افندينا حبا فى حياته وهو حاسس انو سيد نفسه لان التاكسى بتاعه مش شغال عليه وراجل صاحب مزاج قوى قوى
لو صادف وركبت معاه تحس انك دخلت مزرعه نعناع
حاطط النعناع على التابلو بكميات كبيره وعلى التابلوه الخلفى وعامل فتحه فى السقف معلق فيها النعناع وعامل نظام تهويه يمرر الهوا على النعناع فيغمرك باحساس منعش جدا بالاضافه انو مش بينسى يحط عنقود فل ووردتين بلدى عشان كوكتيل الروائح يكتمل
المهم فى موضوعى ده مش ان الراجل ده عاشق للنعناع بجنون .......... ولكن انا ليا قصه معاه خلينى احكيهالكم
فى يوم كنت متعكنن جدا جدا وعفاريت الجن الاسود بتتنطط قدام عنيا وحاسس انى من جوايا مظلم تماما وافكارى كلها مافيهاش ولا فكره بيضا
نزلت الشارع كان الوقت متاخر
وققت تاكسى
قولتلو ممكن تودينى الــــ قاطعنى وقالى اوديك القمر اركب الاول
فتحت الباب وركبت وانا مكشر بدون تعليق على اسلوبه الظريف فى محاوله اضحاكى
وخلال منا سارح وبفكر فى مشكلتى اللى كانت مسوده الدنيا فوشى فوجئت انو ماشى بقالو 10 دقايق تقريبا بدون ما يسالنى رايح فين
ماشى وخلاص زى اللى بيفسحنى
وماشى بسرعه متوسطه عشان يسيبنى سرحان زى مانا
فجأه واحد وقفه فى الشارع
وقرب عالشباك وقالو
افندينااااااااااااااااااااا ازيك كل عام وانت طيب
قالو السواق : حبيبى ازيك وفتح الباب ونزل يسلم عليه باسه وحضنه ومفيش غير الحضن والبوسه وقامو منفصلين ده مشى وده ركب تانى وطلع وكأن شيئا لم يكن
انا قولت اكيد يعرفو بعض كويس
المهم مشينا قولتلو مش تسالنى رايح فين
قالى مش هاتفرق المهم انى معاك مكان ماتحب
قولتلو ودينى الشون
قالى من عنيا بس ما تبقاش زعلان
قولتلو لا انا كويس (مازلت مكشر)
مع الطريق من عند نادى البلديه لغايه الشون النعناع غير لى حالتى النفسيه شويه حسيت انى هديت الى حد ما
ومع كل 20 متر لازم كان واحد يشاور لافندينا المنعنع بالسلام والتحيه وافندينا المنعنع يردها بحراره وبابتسامه عريضه
فضل افندينا يلف من طرق مطوله عشان يطول المشوار
فى البدايه اعتقدت انو بيعمل كده عشان يقولى الاجره 2ونص او تلاته ده المشوار كبير وكلام السواقين ده
بس اكتشفت انو بيقولى انا بلف عشان اقعد معاك فتره اطول
لان التاكسى ده محدش يركبه زعلان وينزل منه زعلان
وقعد يحاول يشد منى الكلام وانا مكشر بس حالتى بدأت تتحسن
وكنت مزهول من كميه الناس اللى تعرفه فى الشارع وبيسلموا عليه والسلام بحب فعلا مش بسخريه ولا بنفاق
وبالنسبالو هو كان بجد اشبه بالرئيس مبارك لما بيكون رايح زياره لبلد وايده طول الوقت بره شباك العربيه بتعمل باى باى للجماهير
يا ربنا كل دى ناس تعرفه ........ده مجرد سواق تاكسى
وبكميات النعناع اللى بيجيبها يوميا شكيت انو مختل عقليا
بس ليه كل المعجبين دول ههههه ده انا حسيت انى راكب مع عمرو دياب
وقت عن الشون بديله اتنين جنيه ما مدش ايده ياخدهم
فتحلى الصندوق قالى ارمى بياضك هنا
وابتسامته واسلوبه المرح ما اتقطعوش لحظه
والسعاده الغريبه اللى على وشه كانه لما قابلنى كان فرحان بيا ومرحب بيا جدا ومدينى اهتمام وحب ومحسسنى ان الدنيا حلوه
نزل سلم عليا بالايد واستغربت فعلا من التصرف ده
وقالى ربنا يوفقك ومشى
فلحظه ما واحد معدى جنبى قال افندينااااااااااااااا مساء الفل
افندينا طبعا رد التحيه بصوره اكبر للشخص ده
ومشى افندينا وانا ماشى وقدامى الشخص اللى كان بيسلم على افندينا
قولتلو بقولك ايه الراجل ده تعرفه
قالى اه ده افندينا المنعنع رمز الطيبه فى المحله عشرى جدا طيب جدا محبوب جدا بيحب الناس اكتر من حب النعناع
والناس تحبه وانت مادمت ركبت معاه مره هو خلاص عرفك وتقدر فى اى وقت توقفه فقط عشان تسلم عليه حتى لو معاه زباين حتى لو هاتعطل المرور
حسيت قد ايه الراجل ده محبوب وصدقونى والله العظيم انا لغايه النهارده لو قابلته لازم اسلم عليه وبيسلم عليا بحراره لا توصف مع انو ما يعرفش حتى اسمى
يا سلام لو كلنا كده كنا نبقى بلد يحكى عنها العالم ويضربوا بيها المثل فى الحب
لو عايزين تشوفو هانبقى ازاى لو حبينا بعض زى الراجل ده
اتفرجوا على فيلم ادام ساندلر بعنوان mr deeds
شكرا وعلى فكره انا بحب كل عضو فى المنتدى ده زى حب افندينا المنعنع للناس
الرجوع الى أعلى الصفحة اذهب الى الأسفل
محمد الجندى

avatar

عدد المساهمات : 126
تاريخ التسجيل : 02/05/2010
العمر : 57
الموقع : إدارة الإستكشاف

مُساهمةموضوع: رد: يا ريت كل الناس يكونو زى ده   الخميس مايو 27, 2010 10:32 am

أبنتى العزيزة تقى بعد صباح الخير هذا الموضوع جميل جداً يا عسولة


مع تحياتى عمو محمد الجندى
الرجوع الى أعلى الصفحة اذهب الى الأسفل
وائل مختار

avatar

عدد المساهمات : 2
تاريخ التسجيل : 13/09/2010
العمر : 33
الموقع : http//lmasat.alafdal.net

مُساهمةموضوع: بجد موضوع جميل    الإثنين سبتمبر 13, 2010 5:36 am



أخوكم
وائل مختار



ودي أول مشاركة مني في المنتدى
وأنا ابن من أبناء المدرسة




بجد لموضوع دا جميل ويستحق التقدير للناشرةشكرا ليكي ربنا يوفقكم


الرجوع الى أعلى الصفحة اذهب الى الأسفل
http://http//lmasat.alafdal.net
أميرة الأحزان

avatar

عدد المساهمات : 60
تاريخ التسجيل : 24/01/2011
العمر : 22

مُساهمةموضوع: رد: يا ريت كل الناس يكونو زى ده   الخميس يناير 27, 2011 9:24 pm

و الله موضوع أكثر من جميل و أتمنى لك مزيد من النجاح
الرجوع الى أعلى الصفحة اذهب الى الأسفل
 
يا ريت كل الناس يكونو زى ده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مؤسسة شبرا ملكان الإعدادية المشتركة :: الأنشطة المدرسية :: النشاط الإجتماعي-
انتقل الى: